《老豆和叉電 之 一個唔覺意的時候》
老豆: 我去大廁所，亞仔唔該幫我開個抽氣扇。
叉電: 哈，等陣抽氣扇一個唔覺意抽左你走。
老豆: 寫字好靚喎，咁幼嘅字，令我以為屋企多左個女。
叉電: 哈，老豆小心我真係個女，唔覺意、唔覺意著埋條裙嚇使你。
老豆: 亞仔出街拖好我隻手，否則我唔擔保我會拖左人地個細路唔要你喎。
叉電: 哈，小心你唔覺意拖左人地亞媽，佢一腳踢你大肶。
老豆: 亞仔飲汽水慢啲，小心一肚氣變左個氣球飛走左。
叉電: 哈，你飲快啲就真啊，小心唔覺意洩左氣變左一塊皮跣入個坑渠。
老豆: 亞仔你成十個表妹，小心你同佢地出街一個仙就冇得剩。
叉電: 老豆你得兩個表妹照顧，小心一個唔覺意兩個就使哂你袋裡面所有啲錢。
老豆: 又係喎~ 多事啦你。
